പരിമിതനാമെന്നെ ഒരുക്കണമേ


കലുഷിതമാമെന്നുള്‍ത്തടങ്ങള്‍
എരിയുന്നിതവിരാമമീമരുവില്‍
ചെയ്തികളൊക്കെയും തെറ്റുന്നു പാടെ
മൊഴിയുന്നതൊക്കെ മുറിവേല്‍പ്പിക്കുന്നു

എന്നില്‍ എന്നിക്കുള്ള വിശ്വാസമെല്ലാം
കാലഹരണപ്പെട്ടു പോയീ നിസ്തുലം
കഴിയുന്നില്ലേ മാനുഷാ നിനക്കീ
ജീവിതം നിന്നുടെ തുണയോടൊപ്പം?

ആശ്വാസമാകേണ്ട നീ ഇന്നവള്‍ക്കൊരു
ഭാരമായി  തീര്‍ന്നുവോ ചിന്തിച്ചു നോക്കൂ
തെറ്റിയത് മകനേ അവള്‍ക്കോ, നിനക്കോ?
അറിയില്ല സോദരാ, ഈ നാള്‍ വരേയ്ക്കും

പരസ്പരം ഉണ്ടായ പ്രശ്നങ്ങളെല്ലാം
പരിഹരിക്കാനായി ശ്രമിച്ചീടുകില്‍
പഴയതിലും നില മോശമായി
പരിണമിക്കുന്നു എന്നത് പരമ സത്യം

വേളിക്കു മുമ്പൊക്കെ നാട്ടുകാര്‍ക്കെല്ലാം
ഉപദേശം നല്‍കിയ ജ്ഞാനമൊക്കെ
ഇന്നെന്‍റെ കാര്യത്തില്‍ ഉപയോഗ ശൂന്യമെ
ന്നാരോട് പറയാന്‍ ആവുമെനിക്ക്‌


എങ്ങനെ മാറണമെന്നറിയാനായ് 
യേശുവിന്‍ ചാരത്ത്‌ താഴ്മയായി
പ്രാര്‍ത്ഥിച്ചതൊക്കെയും വ്യര്‍ഥമായോ?
അറിയാന്‍ വിതുമ്പുന്നു മമഹൃദയം

കേള്‍ക്കും നീ ഒരുനാളെന്‍ മന:ഗദ്ഗദം
കാണാമറയത്തെ കാരുണ്യയമേ
കാരണമാവണേ എന്‍ വ്യഥകള്‍
തരളിതമാം നിന്‍ മനസലിയാന്‍

പ്രതീക്ഷകളില്ലാതെ സ്നേഹിക്കുവാന്‍
പാപിയാമെന്നെ നീ പ്രാപ്തനാക്കൂ
പരിപൂര്‍ണ്ണമായി പ്രണയിക്കുവാന്‍
പരിമിതനാമെന്നെ ഒരുക്കണമേ

Comments

  1. jacob.....kollam enikkishtappettu.....
    ethoru kavithayanu.....athine modify cheyythal....we can tune it and make a proper devotional song

    ReplyDelete

Post a Comment

I appreciate your comments

Popular posts from this blog

The Second Honeymoon

Do you hear His call?

The true spirit of Lent